Ինչպես ընտրել կցամասի և խողովակի չափը

Սանտեխնիկական կցամաս գնելիս ամենատարածված սխալը չափի սխալ ընտրությունն է։ Այս էջում բացատրված է, թե ինչպես են նշվում խողովակների և կցամասերի չափերը և ինչպես գտնել ճիշտ տարբերակը։

Դյույմ և միլիմետր

Ռեզբային կցամասերի (բաչոկ, նիպել, վինտիլ) չափը նշվում է դյույմով, իսկ PPR և մետալոպլաստե խողովակներինը՝ արտաքին տրամագծով, միլիմետրով։ Դյույմային չափը ռեզբայի իրական տրամագիծը չէ, այլ պայմանական անցման չափ։

Ռեզբա (դյույմ)	Ռեզբայի արտաքին տրամագիծը (մոտ.)	Համապատասխան PPR խողովակ
1/2″	21 մմ	20 մմ
3/4″	26,5 մմ	25 մմ
1″	33 մմ	32 մմ
1 1/4″	42 մմ	40 մմ

Ներքին (F) և արտաքին (M) ռեզբա

• F (female, էգ). Ներքին ռեզբա, պտուտակվում է խողովակի կամ այլ կցամասի վրա։

• M (male, որձ). Արտաքին ռեզբա, պտուտակվում է ներքին ռեզբայով մասի մեջ։

• FM, MM, FF. Կցամասի երկու ծայրերի ռեզբաների համադրությունը, օրինակ՝ «1/2 FM» նշանակում է մի կողմում ներքին, մյուսում արտաքին 1/2 դյույմ ռեզբա։

Ինչպես չափել առկա մասը

1. Արտաքին ռեզբայի դեպքում քանոնով կամ շտանգենցիրկուլով չափեք ռեզբայի արտաքին տրամագիծը։

2. Ներքին ռեզբայի դեպքում չափեք անցքի ներքին տրամագիծը։

3. Համեմատեք ստացված թիվը վերևի աղյուսակի հետ։

Վարպետի խորհուրդ

Կասկածի դեպքում հին մասը վերցրեք ձեզ հետ կամ ուղարկեք դրա լուսանկարը քանոնի կողքին. այդպես ամենահեշտն է ճիշտ չափը որոշել։ Նայեք նաև Սանտեխնիկա և PPR խողովակներ էջը։